ТАЛИС 2024 во Западен Балкан

Директорите на училиштата во Албанија не пријавуваат широко распространет недостиг на наставници, вклучително и наставници со компетенции за поддршка на ученици со посебни образовни потреби (ПОП) или од различно културно или јазично потекло. Сепак, управувањето со работната сила станува сè посложено поради брзото опаѓање на студентската популација, многу висок удел на наставници со договори на неопределено и полно работно време и релативно малкумина кои пријавуваат намера да ја напуштат професијата во следните пет години.

Мотивацијата на наставниците, задоволството од работата и перципираната професионална вредност се на многу високо ниво во Албанија. Сепак, има поголема веројатност искусните наставници да пријават дека работата негативно влијае на нивната благосостојба од почетниците. Тие ги наведуваат оценувањето и одговорноста за успехот на учениците како клучни извори на стрес, што укажува на континуиран акцент врз тестирањата со висок влог. 

Директорите на училиштата во Албанија известуваат за ниски нивоа на разновидност на учениците во споредба со соседните системи, при што само 5% укажуваат дека повеќе од 10% од учениците имаат посебни образовни потреби. Ова може да биде поврзано со разликите во идентификацијата, пријавувањето или интеграцијата и покрај тековните реформи во инклузивното образование. Наставниците-почетници имаат поголема веројатност да предаваат на ученици со разновидни потреби и со проблематично однесување од нивните поискусни колеги, додека помала веројатност да изјават дека нивното почетно образование за наставници ги подготвило за настава во такви средини. 

Голем дел од наставниците во Албанија известуваат дека често ја прилагодуваат наставата на потребите на своите ученици и користат различни практики за оценување. Многумина исто така пријавуваат дека користат вештачка интелигенција (ВИ) за овие цели. Сепак, многу ученици во Албанија покажуваат послаби резултати на меѓународните тестирања, што укажува на фактот дека прилагодувањето и формативното оценување не се секогаш ефикасни во идентификувањето и надминувањето на празнините во учењето. 

Во Албанија, три четвртини од наставниците известуваат дека учествувале во активности за воведување во работата[CR4.1][CR4.2][CR4.3] во нивното сегашно училиште и ова е позитивно поврзано со пријавеното исполнување на целите на часот. Програмите за менторство се исто така широко достапни, но многу малку наставници учествуваат: само 8% од наставниците пријавуваат дека имаат назначен ментор.

Речиси сите наставници во Албанија известуваат дека се вклучиле во барем една активност за професионален развој во 12-те месеци пред истражувањето ТАЛИС 2024, додека 96% известуваат дека тоа влијаело врз нивната настава. Тие пријавуваат особено високо учество во професионалниот развој поврзан со употребата на дигитални технологии, а нивната највисока пријавена потреба за професионално учење е користењето на вештачка интелигенција за настава.

Сите наставници работат во училишта чии директори известуваат дека се формално оценувани најмалку еднаш годишно, а над три четвртини известуваат дека повратните информации што ги добиваат поддржуваат позитивни промени во низа наставни практики.